Gertatutakoak ez du bueltarik, argi dago! Baina benetan eskertuko genuke COVID-19ak zahar etxeetan izan duen eraginaren inguruan hausnarketa sakona eta objektiboa egitea, berandu baino lehen. Zeresana izan dezaketen eragile guztiek euren ikuspegi eta ekarpenak egiteko aukera izan dezaten, etorkizunean horrelakorik berriz gertatuko balitz, erantzun hobea emateko moduan egon gaitezen.
Ondo dago osasun fisikoa zaindu nahi izatea, baina pertsonen beste gainerako alderdiak ahaztu gabe. Izan ere, hainbeste denbora logela batean bakartuta egoteak ondorio latzak eragin dizkie adinekoei: mugitzeko zailtasuna, tristura, abandonu sentsazioa, ultzerak, galera kognitiboa, eta abar.
Nekane Saenz de Cabezon Salaberria, Gipuzkoako Senideak elkarteko kidea
No hay comentarios:
Publicar un comentario